Maandenplant

De Boorlack gehürt tau de oewer 500 Oorten tellende Gattung Allium (Familie vun de Amaryllisgewächse, Amaryllidaceae), de vör allem in`n Vödderen Orient un in Zentralasien wiet verbreit`t is. Wenn ok de Verwandten vun den`n Boorlack (ü. a. de Koekenzipoll un de Knufflok) tauierst an apene, dröge Standurte wussen sünd, so is doch de Boorlack `ne klassische Plant in de schattigen-ümmerfeuchten Bäukenwälder. Hei is `n typischer Frühjohrsbläuher vun den`n de binah as Dolden utseihenden Bläutenstänn` vun den Ostermaand an bet tau`n Heumaand hen rutkamen.

Siet `n poor Johr spälen dei, in`n Lenzmaand tauierst rutkamenden Lowbläder wägen ehre eigenwilligen Smacks un Rükels bi uns wedder `ne wichtige Rull bi`t Äten. Sei warden wedder sammelt. Hierbi süllten wi oewer bannig vörsichtig sien! Dat besteiht `ne grote Verwesselungsgefohr! De sihr giftigen Bläder vun de Harwsttiedlos (Lowbläder ahn Stäl un glänzend) un de Maiglöckchen (nix vun knufflokorrigen Rükels) beachten!

In Nurddütschland gahn all Boorlack-Vörkamen up dat Planten dörch Minschen trüch. In`n Botanischen Gorden würd`de Boorlack 1974 ut Putbus in dat Bäukenwald-Biotop inbröcht.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.