Maandenplant

De Losböm orrer Losstrüker kamen mit ca. 150 Oorten vör allem in de tropischen Rebeite Afrikas un Asiens vör. Väle Clerodendrum-Oorten warden wägen ehrer upfälligen Bläuten un Bläutenstänn as Zierplanten uptreckt. Alle Oorten de früher tau de Iesenkrutplanten (Verbenaceae) stellten Gattung gehüren hüt tau de Lippenbläutler (Lamiaceae). In`t Tropenhus von den Botanischen Gorden ward de Kladdernde Losstruk uptreckt. Hei kann ok as Stubenplant hollen warden. An `nen halwschattigen Urt brukt C. thomsoniae rieklich väl Wader un ok Dünger.

De ut de Rägenwäller von Westafrika kamende Oort ward hüt oewerall in de Tropen wägen ehrer lang bläuhenden un hübschen Bläuten plant. Ehre schwach tweilippigen Bläuten sünd dörch den upfälligen Farwgägensatz twischen de witten Kelchbläder un de roden Kronbläder (de `ne Röhr` billen) gaut tau seihn. Besonners interessant sünd de Stoffbläder, de wiet ut de Bläutenkron ruter ragen. Buten unner natürliche Bedingungen warden de Bläuten von de Boddervagels bestöwt. De ümmergräune Lian` kann bet tau 4 m Höch` kriegen. Sei besitt gägenstännig anurdnete Lowwbläder, de länger as 15 cm warden können.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.