Maandenplant

De Gattung Buddleja (Scrophulariaceae) umfött ca. 90 Oorten, de vör allem in`t warmgemäßigte Ostasien vörkamen. Siet dat 19. Johrhunnert ward in Europa intbesonnere B. davidii (ut China kamend) unner den`n Namen Boddervagel Fleeder (ok Sommerfleeder nennt) anplant. All vör den`n 2. Weltkrieg wür disse Oort invasiv, dat heit, sei breit`te sick breit ut un billd`t hüt up välen Brachrebeiten un langs an de Bahnstrecken dichte Plackens. Intog hollen hett de Boddervagel Fleeder in unse Gordens un Parks woll wägen siener schönen Bläuten, de in lange Rispen orrer „Scheinähren“ stahn. Sei locken in groter Tahl de bläutensäukenden Insekten (vör allem de Boddervagels) an.

Bi B. davidii sünd de Einzelbläuten tämlich lütt mit rosa bet purpurfarwten Kronblädern. Upfällig is ein orange farwter Schlundring in `ne Mird von de Bläut. Disse strukähnliche Oort ward bet tau 3 m hoch. Die lanzettlichen Lowwbläder sünd 15–25 cm lang un an de Ünnersiet wittpelzig. Siet lange Tieden gifft dat all väle Tüchtungen in de Gordens von disse Oort. An einen sünnigen Urt plant, lockt de Boddervagel Fleeder von`n Sommer bet in den Harwst eine grote Tahl von de verschiedensten Boddervagels an.

In`n Botanischen Gorden stahn mihrere Boddervagel Fleeder (Sommerfleeder) an`n Staudengorden un an de Hamburger Strat.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.