Maandenplant

De Sneiglöckchenbom Halesia monticola (syn. H. carolina var. monticola) gehürt tau de Familie vun de Storaxbomgewächse (Styracaceae). De Gattung Halesia ümfött`t vier Oorten, bi de sick dat üm Strüker un Böm hannelt. Wecker sünd in`n Osten Nurdamerikas orrer wecker in Ostasien tau Hus. Halesia monticola is`n sommergräuner Bom, de in de Appalachen (vör allem in Alabama, North Carolina un Georgia) wasst un dor `ne Höh` vun oewer 20 m erreikt.

De dal hängenden Bläuten stahn in Büschel tau 2 bet 6 tausamen un kamen vör de Lowbläder in`n Ostermaand un Wonnemaand rut un maken de Oort tau ein beleiwtet Ziergehölz (`ne Ogenweid`) Bemarkenswiert is de starke Duft vun de witten, 2 bet 3 cm langen, glockenförmigen Bläuten. Ut de Bläuten ward dat vierflüchtenorrige Steinawt, dat bet tau 4 cm lang ward. Siene wesselstännigen, ungedeilten Lowbläder sünd insagt. In gröttere Gordens un Parks is de Sneiglöckchenbom leicht uptautrecken. In`n Botanischen Gorden steiht ein smucker Bom in de Näch` vun dat Schilfdackhus.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.