Maandenplant

Wienmaand 2015: De Japansche Schlitz-Ahuurn (Acer palmatum 'Dissectum')


De Gattung Acer (Ahuurn) tellt tau de Familie vun de Seipenbomgewächse (Sapindaceae) un ümfött ca. 120 Oorten, de vör allem in de sommergräunen Lowwälder vun de Nuurdhalwkugel vörkamen. Dat hannelt sick üm Böm orrer Strücker, de in de kolle Johrestied ehre oft handförmig deilten Lowbläder afschmieten. Bi väle Oorten kann in`n Harwst `ne starke rode orrer gäle Verännerung vun de Lowbläder upträden. Tau de heimischen Verträder tellen ü. a. Barg-, Spitz- un Feldahuurn.

De meisten Ahuurnoorten kamen in Ostasien vör, wo ok dat Hauptverbreidungsrabeit vun den Japanschen Schlitz-Ahuurn liggt. Dat is `ne Tüchtung vun den Fächer-Ahuurn, de in uns Gordens un uns Parks af un tau plant ward. De lütten, meist bet 10 m hogen Strüker orrer Böm besitten in upfällig Wies deilte Lowbläder. De tweihüsige Struk/Bom drägt in`t Frühjohr tahlrieke Bläuten, ut dei de typischen Spaltfrüchte hervörgahn, de in dissen Fall taunächst rötlich un later brun farwt sünd. An sienen Standurt stellt de Japansche Schlitz-Ahuurn blot bescheidene Ansprüch`. Wichtig is de Schutz vun de jüngeren Böm vör späde Fröste. Utreikendet Wadern bi längerer Dröchnis in`n Sommer is nörig!

In`n Botanischen Gorden steiht ein oller Bom an`n Rand vun den Japangorden tau`n Alpinum.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.