Maandenplant

Gewiddermaand 2014: De Stockros (Malva alcea)


De Stockros orrer Buernros (orrer Stockmalv, Malva alcea) is `ne olle krutorrige Gordenplant, de moeglicherwies ut den`n Vödderen Orient orrer von`n Balkan tau uns kamen is. Sei tellt tau de Malvengewächse (Malvaceae) un besitt `nen Stängel, de bet tau 2,5 m hoch warden kann. De Stängel is oft eis dicht behoort un drägt lang stälte, as `n Hart formte Bläder. De Bläuten stahn in `ner mihr orrer weniger dicht besett`ten Or. In uns Gordens bläut de Stockros in sihr verschiedenen Bläutenfarwen. Wiet verbreit`t sünd de Bläutenfarwen rod, rosa, vigelett bet swattrod.

As dekorativ Gordenplant sünd de Stockrosen besönners in England in`t Visier vun de Plantenzüchters geraden. Dor sünd Formen zücht`t worden, de ok as Gerüstplanten kultivierbor sünd. Stockmalven warden meist in`n Mai/Juni utseit un benödigen `nen nährstoffrieken, frischen Bodden. In de Gordens süllten sei vör allem an oewerwindige Städen plant warden. In`n Botanischen Gorden steiht Malva alcea in de Varietät ´Nigra´ in de Offizinellen-Afdeilung.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.