Maandenplant

De Gattung Salvinia gehürt ok tau dat Swemmfarnkrut. Dat kümmt mit ca. 10 Oorten vör allem in de tropischen stahenden Waders vör. Disse Echten Farne besitten ungedeilte Swemmbläder, de up de böbelste Siet mit waderafwiesende, vertwiegte Hoore bedeckt sünd. Dat hett de Disziplin von`ne Bionik utnutzt un künn nu waderafwiesende un dormit sülwstreinigende Oberflächen technisch "nabugen".

An de Sprossachsen bammeln bannig väle fadenförmige Anhängsel. Dat hannelt sick üm ünnergedükerte Lowbläder. Sei hemmen de Upgaw von de Wöddeln oewernahmen, de bi dit Farnkrut inschränkt sünd. In Middeleuropa kümmt de einjöhrige Salvinia natans in warme Gegenden in`n Frieland blot selten vör. Oewer in Aquarien dorgägen ward` dat öfter eis as Begräunung nahmen. Up de tropische Gewässer bil`dt Salvinia (u. a. S. molesta) orrig grote Swemmdecken ut. Drei Oorten sünd in`n Diek un in`ne Bäk von dat Loki-Schmidt-Gewächshus ansiedelt.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.