Maandenplant

Bi de Heid'-Nelk (Dianthus deltoides) hannelt sick dat üm einen utduernden Verträder vun de Nelkengewächse (Caryophyllaceae). De in Europa un in`t gemäßigte Asien verbreit`te un in Dütschland besönners schützte Oort besitt bet tau 40 cm hoge Stängel. Ehre karmin- orrer purpurroden Bläuten kamen von Mai bet September rut. De warden besönners giern von de Boddervagels besöcht. De Bläuten sünd ganz un gor weiblich orrer zwittrig, so dat `ne besönnere Form von Tweihüsigkeit vörliggt. (Gynodiözie).

De Heid'-Nelk wasst in`n drögen kalkarmen Magerrasen, so dat sei in uns Gordens `nen sihr sünnigen Standurt up sannige Ierd nödig hett. De Vermihrung folgt dörch Utsaat un Deilung. Af un an sünd ok füllte Sorten as Gordenplanten tau seih`n. In`n Botanischen Gorden wasst de Wildoort in`n Sandmagerrasen-Biotop twüschen Systematischer un Medizinalplanten-Afdeilung.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.