Maandenplant
Heumaand 2012: De Akanthus (Acanthus mollis)
De Akanthus (Acanthus mollis) is ‘ne stief un utduernde Staud ut ‘ner Grupp von 30 Acanthus-Oorten. Mit åsige, deip insnädene un tackerige Bläder un vör allen bet to 1 m grote, rosa-violette Bläudenähren is de Akanthus‘ne beleiwte Gordenplant. Wiel dat de Oort to de Fomilie von de subtropischen Akanthusgewächsegehürt un in knurrige, strukrieke Formationen in’n Middelmeerrum (Macchie) to Hus is, kann se kum Küll af un möt an een warmen Platz plant warden.
De Bläuden erinnern an olle Ornamente un könn’n blots von stukige Hummeln un Immen bestöwt warden, de Såmen warden dörch’n Wind utbreit’t. De Lowbläder finn’n sik in de griechisch-römische Architektur oft eis in de Verzierungen von de korinthischen Säulenkapitellewedder. Wägen ehre Blattform ward de Oort ok Bärenklau nömt, ahn mit de Bärenklau-Oorten (Heracleum sp.) de Doldenbläudler verwandt to sien. In’n Botanischen Gorden steiht de Akanthusin de Systematischen Abteilung.
Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.
