Maandenplant

Wienmaand 2021: De Amerikansche Bomwörger (Celastrus scandens)


Mit so gägen 30 Oorten is de Gattung Celastrus (Celastraceae) so as in tropische as ok in gemäßigte Klimarebeite antaudrapen. Sei umfött Böm (meistendeils sommergräun) un sick winnende Strüker. In Nuurdamerika  (von Kanada bet in den Süden von de USA) is de Amerikansche Bomwörger wiet verbreit`t.

De bet 7 m hoch winnende sommergräune Oort besitt stälrunne Twieg. De hemmen binnen wittet Mark. Ehre eiförmigen - länglichen Lowwbläder sünd 5–10 cm lang un de Ränner ansagt. In de Harwstmaande farwen sick de Bläder sihr schön goldgäl. De meistendeils eingeschlechtigen Bläuten sünd unschienbor wittgräun. Sei kamen in de Maande Mai (Wonnemaand) un Juni (Rosenmaand) rut. Ut ehr warden in`n Harwst runne, so arwtengrote Früchte (Vörsicht giftig!), disse sünd gäl farwt. In`n riepen Taustand gahn sei wiet up un laten so de runnen, karminroden Samen seihn.

Disse winterharte Schlingstruk brukt nich väl un kann in Middeleuropa in Parks un Gordens ganz einfach as Schmuckplant hollen warden. In`n Botanischen Gorden wasst ein groter Struk twischen de Offizinellen-Afdeilung un den`n Sanddrögrasen.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.