Maandenplant

De tau de Commelinengewächse (Commelinaceae) tellende Dichorisandre is ü. a. mit de Tradeskantie verwandt. So an de 25 Oorten von de Gattung Dichorisandra kamen as mihrstens kraasche, grotblädrige Stauden in de Rägenwälder von Middel- un Südamerika vör. De gröttste Verbreidung find`t sick in`n atlantischen Rägenwald an de Ostküst von Brasilien in`t Ümfeld von Rio de Janeiro. As Ünnerwuchs in disse Rägenwälder in dit Rebeit wasst D. thyrsiflora, de bet tau 2 m hoch warden kann.

Wie all de annern Oorten von disse Gattung besitt ok disse Oort gaut utseihende blagviolette Bläuten, de in grot rispigen Bläutenstänn` anurtnet sünd. Upfällig sünd de meistensdeils söss lüchtend gäle Stowwbüdels. De utduernde Staud` ward bi uns binah ümmer blot in Gewächshüser ünner tropisch „Wäder“ plant. Von ehrer Heimat her brukt de Dichorisandre väl Warmnis un Feuchtigkeit un, wenn sei wassen sall, orrig Dünger.Von de Dichorisandre gifft dat ok Planten mit panaschierte Lowwbläder in`n Anbu. De Vermehrung folgt dörch Stecklinge in`t Warmbeet.

In`n Botanischen Gorden wasst D. thyrsiflora in`t Tropenhus von de Loki-Schmidt-Gewächshüser.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.