Maandenplant

De tau dat Hülsenarft (Fabaceae) tellende Gattung Galega umfött ca. 6 Oorten, dei in Eurasien un Afrika upträden. Blot G.officinalis ist ok in Middeleuropa un Südwestasien tau Hus. De Schworpunkt von de Verbreidung liggt in´n südöstlichen Middeleuropa un Südwestasien. In annere Rebeite von Afrika, Nurd- un Südamerikas un Neuseelands gellt de Oort as invasiv.

Dat Pestilenzkrut is ´ne utduernde krutige Plant, de ´ne Höcht von bet tau 1 m erreiken kann. Ehre kahlschen, langen Sprotten drägen unpaarig fiederte Lowwbläder. Dei witten orrer bluvigeletten Bläuten, de ofteins von Immen besöcht warden, stah´n in uprechte Druben. Bläutiet is von Juli bet in den Harwst. Dei runnlichen Hülsen sünd rodbrun. För Säugedierte sünd alle Deile von dat Pestilenzkrut giftig, bi de Minschen is dat Krut siet Johrhunnerte as Heilplant för verschiedenste Zwecke tau gebruken.

Tauierst wasst dat Pestilenzkrut in warme, natte Wischen, Hochstaudenrebeite un in´t Auenholt.

In´n Botanischen Gorden steiht dat Krut in de Morphologischen Afdeilung vör de grote Truerbäuk.

Plattdütsch: Eva Dittberner, Vereinsmaat in'n Plattdütsch-Verein Klönsnack-Rostocker 7 e.V.