Maandenplant

Kapuzinerkressen sünd ein- bet mihrjöhrige Planten, dei oftmals kladdern un gehüren tau dei Familie Kapuzinerkressengewächse. Sei hebben meist schildförmige, ungedeilte Lofbläder, selten können sei ok feddert sien. Dei Kapuzinerkressen warden bi uns in`n Sommer in`n Gorden wägen ehre upfälligen Bläuden kultiviert, dei sik ok as Ogenschmaus för Salate anbeiden. Ehre Bläudenknuppen können ok as Kapernersatz nahmen warden.

Dei gespornten Bläuden sünd oft lüchtend orange orrer rot farft. As Organe taun Öwerduern hebben väle Tropaeolum-Orten Wöddelknollen, dei as Gemüse nutzt warden können. Tauhus sünd dei Kapuzinerkressen in dei Niege Welt, wobi dei meisten Orten hauptsächlich an dei Südspitz von Südamerika vörkamen. In`n Botanischen Gorden find` man sei in dei Systematischen un Morphologischen Abteilungen.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.