Maandenplant

De Frœhjohrsknuttenblom (ok Märzenbecher nömt) kann man as Zierplant anpriesen. Dat Amaryllisgewächs is eene utduernde Ort, de mit Zipollen denn Winter öwerduert. Von’n März bet April kamen de witten, nickköppenden Bläuten rut. De Bläder hemm gräune Placken an de Spitz’. De Bläutenbesäuker (to’n Bispill de Imm) warden statt mit Nektar mit nährstoffrieket Griffeltüch anlockt, dat se anböhrn möten. De Lofbläder sünd bet to 20 cm lang un welken gliek in’n Fröhjohr wedder af.

Leucojum vernum kümmt natürlicherwies up nährstoffrieke Mullborren in Au- un Berglofholt in Mittel- un Südeuropa vör, mierstens in groten Bülten. De dörch Alkaloide in alle Deile giftige Plant steiht in Dütschland ünner Naturschutz. In’n Botanischen Gorden is se an’n Äuwer von de Bäk in de Höh’ von’n Erlenholt gaud to seihn.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.