Maandenplant

Tau dei Kermesbeeren gehürn ungefihr 30, meist utduernde krutige Orten mit ungedeilte Bläder, dei hauptsächlich in dat tropische-subtropische Amerika tau Hus sünd. Beachtlich sünd dei Planten wägen ehre välen langen ohrigen orrer drubigen Bläuden. Dei 5 in dei Bläudtied gräunlich-wittlichen Bläudenbläder von jeder Bläud vergröttern sik in dei Fruchtriep un warden rot.

Taugliek entwickeln sik stark rotglänzende, rode bet schwarte Beerenfrücht. As dei restlichen Planten sünd sei ok för dei Säugetiere bäten giftig. Dei Früchte sünd deswägen ahn Behandlung nich tau geneiten. Ehr Farfstoff ward taun Farben von Ätworen un Wull nahmen. Kermesbeeren warden in warme Gebiete in dei ganze Welt anplant un verwildert. In`n Botanischen Gorden stahn twei Orten in dei Systematische un in dei Morphologische Abteilung.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.