Maandenplant

Dat Farnkrut tellt tau de öllsten Plantengruppen up dat Festland un is so woll mihr as 400 Millionen Johr olt. Üm sick wierer tau verplanten, billd`t dat Farnkrut Sporen ut. Hüt läben von disse Plantengrupp so an 12000 Oorten, de vör allem in`t tropische Rägenholt wassen. `Ne eigene Urdnung von dat Farnkrut ward von de Bomfarne (Cyatheales) billd`t. Väle Bomfarn-Oorten besitten einen mihrere Meter hogen Stamm.

De Gattung Cyathea (Cyatheaceae) ümfött mihr as 600 Oorten. Disse kamen vör allem in de tropischen Bargrägenwälder vör. In de feuchten Wälder von Sri Lanka kümmt C. walkerae (synonym Alsophila walkerae) vör. De Oort besitt einen mihrere Meter hogen, mihrstens unvertwiegten Stamm. An de Spitz von de Stämme befinnen sick de mihrere Meter langen Bläder. Ehre Blattspreit` is mihrfach upfeddert.

De Becherfarn wasst fixing un brukt väl feuchte Luft. Dat find`t hei apenbor in dat Sukkulentenhus.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.