Maandenplant

Christmaand 2011: De Zimtbom (Cinnamomum verum)


De hütige in väle Tropenlänner anbugte Zimtbom is up Sri Lanka (Ceylon) to Hus. Bi’n Zimtbom hannelt ‘t sik üm een Verwandten von’n Lorbeer, de ok ümmergräun is un bet to 12 m grot warden kann. Siene Lofblädder sünd so as Ledder un glatt, bi’n Utdriewen seihn se rod ut. Ut de Rinn vun de jungen Telgen kümmt de echte Zimt. Dat Aroma, dat vör allen in de Wihnachtstiet beleiwt is, kümmt von’t Zimtöl, dat in de Rinn vörkümmt.

Zimt is in väle Produkte in, wie taun Bispill in Lebkauken un Gewürzmischungen. In’n Mittelöller wier dat Gewürz sihr kostbor un mierstens bi de rieken Minschen to finn. Hütigen Dags gifft dat ok noch ‘n billigeren Cassia-Zimt (C. cassia, C. aromaticum), bi denn is öwer de hoge „Cumaringehalt“ de Verdacht, för de Gesundheit nich gaud to sien. In’n „Nutzpflanzenbereich“ in de Loki-Schmidt-Gewächshüser steiht en Bom von ‘n bekannten Ceylon-Zimt (C. verum).

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.