Maandenplant

De Gattung Mimosa (Hülsenfrüchtler, Fabaceae) gifft dat mit oewer 50 Oorten vör allem in de tropischen Rebeite von de Niegen Welt. Väle Verträder von de Hülsenfrüchtler führen sog. Slapbewägungen dörch, wurbi sick ehre Fiederbläder in de Abendstunnen tausamenleggen. De ok as „Sinnplant“ nömte M. pudica geiht noch einen Schritt wierer. Bi disse Oort sorgen ok dat Anfaten, dat Bäwern un fixe Wesseln von heit un kolt för ein Tausamenklappen von die Bläder bzw. Bladdfieder. Meistendeils na korter Tiet geiht dat werrer trüch. Bi de Mimos` hannelt sick dat üm einen ca. 1 m hogen Halwstruk. De Sprossen sünd von korten Stacheln bedeckt. De Lowwbläder sünd duwwelt fiedert un können bet tau 10 cm lang warden. Ehre kugelorrigen Bläutenstänn `hemm´ `nen Dörchmesser von 1,5 cm un bestahn ut väle Einzelbläuten. Ehre rosa orrer rötlich farwten Stoffbläder sorgen för de Schau. De Grünn` för de Reizborkeit von `ner Mimos `sünd bether nich ganz un gor bekannt.

De Mimos` wasst in`t tropische Anzuchtrebeit von de Loki-Schmidt-Gewächshüser, dor ehre Läbensduer blot ein bet ein poor Johre bedrägt un dorüm ümmer werrer Planten nahtreckt warden möten.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.