Maandenplant

De Gattung Heliconia ut de Familie vun de Helikoniengewächse (Heliconiaceae) ümfött ca. 200 Oorten, de vör allem in de Rägenwäller vun Middel- un Südamerika tau Hus sünd. Ehre nächsten Verwandten sünd de Bananen (Musa) un de Paradiesvagelblaumen (orrer Papageienblaum (Strelitzia). Meistendeils hannelt sick dat üm sogenannte Riesenstauden. Ehre langstäligen Lowbläder besitten `ne grote, ungedeilte Spreite. Upfällig sünd de dal hängenden orrer uprechten Bläutenstänn`, de tahlrieke lüchtend farwte (oft eis rod, orange un gäl), as`n Kahn formte Dragbläder upwiesen. In ehr Achseln stahn mihrere ruhrförmige Bläuten, de vör allem giern vun de lütten Kolibris besöcht warden.

Helikonien warden in Middeleuropa in de Gewächshüser hollen, wurbi sei dat meistendeils schön klamm un warm hemmen wullen. De ut Middelamerika stammende H.aurantiaca ward bet tau 1,5 m hoch. Sei besitt uprecht stahende Bläutenstänn` mit düchtig orange farwte Dragbläder un gräunlich-gäle Bläuten. Dor disse Oort ut`t Gebirge kümmt, sünd ehre Temperaturansprüch nich so hoch as vun de meisten annern Helikonien.

H. aurantiaca wasst in`t Tropenhus in de Loki-Schmidt-Gewächshüser.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.