Maandenplant

Lenzmaand 2023: Dat Wesselblädrige Milzkrut (Chrysosplenium alternifolium)


De Gattung Chrysosplenium umfött so an 60 Oorten, de vör allem up de Nuurdhalwkugel verbreit`t sünd. Sei gehürt tau de Steinbrechgewächse (Saxifragaceae). Bi de Milzkrutoorten hannelt sick dat üm utduernde, krutige Planten, de vergliekswies lütt blieben (nich mihr as 20 cm hoch warden). Oft eis vermihren sei sick dörch unnerierdische Utlöper.

De lütten hartförmigen Lowwbläder sünd bi C. alternifolium wesselstännig anurdnet. Ehre unschienboren Bläuten besitten  keine Kronbläder un hemmen einen Dörchmesser so von ca. 0,5 cm. Sei sünd von gräunlich-gälen, flach utbreit`ten Hochblädern ümgäben. Bläutiet is af März (Lenzmaand) bet Mai (Wonnemaand). Bi de Früchte hannelt sick dat üm Kapseln, de väle lütte Samen in sick hemmen.

Dat Wesselblädrige Milzkrut mag giern schattige, feuchte bet natte Stellen an `nen Bachloop un in`n Brauk. In Dütschland is de Oort väl un wiet verbreit`t. In`n Botanischen Gorden is de Oort wägen de Drögnis in de verläden Johre tau Tiet leider verschwunnen un ward dit Johr wedder nieg ansiedelt.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.