Maandenplant

Appels sünd in Nurddütschland `ne wiet verbreit`te un ökonomisch wichtige Awtort. De Appelbom is in´n Sommer gräun un bläut von Mai bet Juni. De bet tau 15 m hoge Böm hebb´n witt-rosa Bläuten. Bi de von uns kultivierte Appelböm hannelt sick dat wohrschienlich üm Krüzungen, de ut de zentralasiatischen Orten kamen sünd. De Früchte riepen in`n Sommer bet in`n Harwst un können `nen Dörchmesser von 2–15 cm hebb´n.

De Gattung Malus is in de gesamte Nurdhemisphäre mi tämlich 40 Orten verbreit`t. Oewer de Johrhunnerte sünd dusende von Zuchtformen tau stan`n kamen, de sick in Form, Farw` un Geschmack ünnerscheiden. Näbenbi spälen ok Zierfomen in uns Parks un Gordens `ne grote Rull. Oewer de Hauptsak is de gaude Geschmack! Weltwiet de bedüdendste Produzent von Appels is China. In`n Botanischen Gorden stahn Wildformen dicht bi von de Offizinellen-Abteilung un Zuchtsorten näben de Morphologische Abteilung.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.