Maandenplant

De Gattung Paeonia (Paeoniaceae) umfött ca. 30 Oorten, bi de sick dat üm siede (niedrige) Stauden bzw. üm bet tau 2 m hoge Strüker hannelt. In de Barge von China kamen de mihrsten Pingstrosenoorten vör. In Europa sünd mihrere Paeonia-Oorten vör allem in`n Middelmeerrum tau Hus. An`n bekanntesten is de Gemeine Pingstros (P. officinalis). Ganz väle Sorten von disse Oort warden in uns Gordens un Parks wägen ehr upfälligen Bläuten tücht`t.

All Pingstrosen-Oorten besitten tämlich grote tausamensett`te Lowwbläder. Wieldat sei so schöne Bläuten hemmen, warden sei as Schmuckplanten sihr schätzt. De Bläuten können nämlich `nen Dörchmesser von mihr as 15 cm hemmen. De übliche Bläuhtiet is üm Pingsten rüm. Von Bläut tau Bläut kann sick de Antahl von Bläutengliedern ännern.

In Tüchtung befinnen sick hüt tau Dags oft eis Hybride mit füllten Bläuten. In ehr Mitt stahn friege Fruchtbläder. Pingstrosen sünd Gordenplanten, de oewer väle Johre hollen warden können. Sei benödigen rieklich Nährstoffe un `nen apenen, in`t Frühjohr feuchten Standurt.

In`n Botanischen Gorden sünd twölf Oorten un Formen oewer de Zierplanten -, Offizinellen-  un Morphologische Afdeilung un in`t Alpinum un in`n Japangorden verdeilt.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.