Maandenplant

De Gattung Strobilanthes umfött mihr as 400 Oorten, de meistendeils in´t tropische Asien vörkamen. Sei tellt tau de Familie Acanthaceae, die mihr as 3000 Oorten inschlött. Dat hannelt sick vör allem üm Stauden un Strüker, de mierst in´n Ünnergrund von Nattwald vörkamen.

Bi´n Persisch Schild hannelt sick dat üm ´nen krutigen Struk, de bet tau 1 m hoch ward. Siene Heimat is för de Oort wohrschienlich Myanmar (ehemals Burma). Upfällig sünd de gegenstännigen Lowwbläder, de 15 bet 20 cm lang sünd. Besonners staatsch sünd de babensiets blaach un vigeletten, as Metall glänzende Bläder. De purpurroden Bläuten stahn in uprechte Ähren. Dor blot junge Planten Bläder orrigen metallischen Glanz upwiesen, sallt dörch Koppstäklinge stännig för Nahwuchs sorgt warden.

As Zimmerplant is sei blot eignet, wenn de Bedingungen ümmer warm (nie ünner 10 ºC), natt un hell sünd. In´n Botanischen Gorden steiht sei in´t Tropenhus ünner de Wildbanane.

Plattdütsch: Eva Dittberner, Vereinsmaat in'n Plattdütsch-Verein Klönsnack-Rostocker 7 e.V.