Maandenplant

Näbelmaand 2018: De Mammillarien (Mammillaria spp.)

Mammillaria hahniana


Tau de Kakteen (Cactaceae) gehüren näben de groten Säulenkakteen ok väle, väle lüttere Kugelkakteen. Bi uns sünd besonners de verschiedenen Wrattenkakteen (Mammillaria) in uns Wahnstuwen beleiwt. Sei passen noch up schmale, lütte, enge Finsterbänke, dor ehr sukkulenter Sprott oft eins noch weniger as 10 cm hoch ward. De Sprotten wiesen bannig väle in Spiralen anurdnete Wratten up. De Wratten drägen an ehr Spitz Areolen (so nennte Durnbüschel). Ehre „Tacheln“ beiden Schutz vör`t Affräten. De Zwitterbläuten können in`n Verhältnis tau ehren Plantenkörper bannig grot warden un einen Dörchmesser von oewer 5 cm kriegen. Ut ehr geiht zilinner- eiförmiget Beerenawt hervör, dat oft eins bäten rod farwt is.

Mit oewer 150 Oorten tellt de Gattung Mammillaria tau de gröttsten Kakteengattungen. Ehr Verbreidungsrebeit reikt von`n Südwesten von den USA oewer Middelamerika un de Karibik bet in den Nuurden von Südamerika. De meisten Oorten kamen an de felsigen Urte von Mexiko vör. Up de Finsterbänk leiwen de Mammillarien de Südlagen, wurbi sei von de riekliche Sünn un Warmnis `n Gewinn hemm`.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.

Mammillaria surculosa