Maandenplant

De Echte Sumpzypress ut de Familie vun de Zypressengewächse (Cupressaceae) is vör allem in`n Südosten vun de USA (u. a. in den Everglades un den`n Mississippi-Delta) un in Mexiko tau Hus. Dor kümmt disse Nadelbom vör allem an´n Rand vun Waderplackens un in sumpfige Niederungen vör, de oewer `ne längere Tied oewerschwemmt wäst sünd. In Middeleuropa is de Oort as Ziergehölz in Parks un Gordens wiet verbreit`t un wasst ahn Probleme. Ein besunneret Markmal vun de Echte Sumpzypress sünd Wöddelknei, de bet tau 40 cm hoch sünd un de Stämm` in groter Tahl ümgäben. De Wöddelknei fungieren as Atenwöddel för de Dörchlüftung vun de ünnerierdischen Plantendeile.

Olle Böm können bet tau 50 m hoch warden, einen Stammdörchmesser vun mihr as 2 m upwiesen un ein Öller vun mihr as 1000 Johre erreiken. Ganz typisch is de faserige, rödlich-brune Bork. De wesselstännig anurtneten, hellgräunen Nadelbläder warden bi niedrige Temperaturen in`n Harwst tausamen mit de sei drägenden korten Triebe afschmäten. De Böm in suptropische Gägende blieben dorgägen ümmer gräun. In´n Sommer sünd de rundlichen, bet tau 3 cm dicken Zappen tau seihn.

In`n Botanischen Gorden stahn twei Böm an`n Kayenmöhlengraben ünnerhalw vun den`n böbelsten Diek.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.