Maandenplant

De Gattung Fagus (Bäukengewächse, Fagaceae) umfött 10 Oorten, de up de Nuurdhalwkugel vörkamen. In wieden Rebeiten von Middeleuropa is de Schatten verdrägende Rodbäuk (F. sylvatica) de vörherrschende Wald billende Bomoort. De sommergräune Oort kann oewer 30 m hoch warden. Dorbi hemmen ehre hellgriesen Stämm` einen Dörchmesser so männig mal bet tau 2 m. Ehre eiförmigen Lowwbläder sünd bet tau 10 cm lang un, wenn sei jung sünd, up beide Sieden behoort. De Bladdrand is meistendeils blot licht inkarwt orrer tähnt.

Bi de Schlitzblädrige Bäuk dorgägen sünd de hübschen Bläder fiederförmig upspalt`t bet deilt. De einzelnen Bladdlappens sünd lang tauspitzt. An`n sülbigen Utschoss können normale Bäukenbläder sitten. In`n Harwst farwen sick de Bläder lüchtend gäl bet rodbrun.

As Einzelbom is de Schlitzblädrige Bäuk för Parks un grote Gordens passig, In`n Botanischen Gorden steiht ein grot Bom an de Morphologischen Afdeilung.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.