Maandenplant

De tau de Magnoliengewächse tellende Gattung Liriodendron umfött twei Oorten, de in`n Osten von de USA (L. tulipifera) un in China (L. chinense) vörkamen. De Magnoliengewächse tellen tau de öllsten Familien von de Bedecktsamer un besitten ein Öller von mihr as 100 Millionen Johre. In Kultur find`t sick in Europa fast blot de nuurdamerikansche Oort, de ok forstwirtschaftlich von groter Bedüdung is. De gröttsten Böm können `ne Höh` von bet tau 60 m un `nen Dörchmesser von mihr as 1 m kriegen. De unverwesselboren Lowwbläder sünd an de Spitz grad afschnäden. Sei farwen sick in`n Harwst lüchtend gäl un warden denn afschmäten. In`t Frühjohr kamen de groten (Dörchmesser ca. 5 cm), becherförmigen Bläuten rut, de gräun-gäl farwt sünd. Ut ehr wassen denn flügelte Früchte.

Dat Holt von den`n Tulpenbom is von groter wirtschaftlicher Bedüdung un ut em warden in de USA ü. a. Dören un Finster makt. In`n Botanischen Gorden steiht ein Tulpenbom in`t Arboretum dicht bi von annere Magnolien. In Kultur is de Tulpenbom ahn grote Ansprüch`. Twors is hei blot för grote Gordens un Parks tau gebruken un man süllte mit em Gedür hemmen, dor hei na dat Inplanten ierst na etliche Johre tau`n Bläuden kümmt.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.