Maandenplant

De Japansche Bläutenkasbeer is een beleiwtet Fienholt (Ziergehölz), dat to de Rosen tellt ward un ut China, Korea orrer Japan kümmt. Dat gifft ‘ne siehr grote Tål ünnerschiedlicher Oorten, de sik vör allen in’n Wassen un bi de Bläuten ünnerscheiden. De sommergräune Oort künn öwer 25 m grot warden (mierst öwer 5–8 m) un hett ‘ne gladde, dunkelbrun-rode Rinn. De scharp utzackten Lowblädder warden in’n Harwst gülden-bronze farwig.

De eis witte Bläuten sünd bi väle Kulturformen rosa farwt un füllt. Se kåmen gliektiedig in grote Tål un fallen na blots poor Dag all an de Ierd, wo se denn eenen Bläutenpeddich bilden. In’n Botanischen Gorden Rostock is de Blütenkasbeer-Allee siet de Inweihung 1939 een beleiwter Ogenfang un würr 1982 dörch de hütigen Böm uttuscht. Ehre gliekorrige Wassform hett man dörch Uppfropfen vun „Edelreisern“ in Kopphöchte hinkrägen.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.