Maandenplant

Mit binah 800 Oorten is de tau de Heidekrutgewächse (Ericaceae) gehürende Gattung Erica v. a. in`t südliche Afrika verträden. Uns heimische Oorten (u. a. de Glockenheid, E. tetralix) träden v. a. in Moor un Heid up. De tau de Gattung Erica gehürende Sneiheid is`n ümmergräuner Zwergstruk – lütter Struk. Sei besitt nadelorrige Lowbläder, de bet tau 40 cm lange Sprossen besitten. Tau Hus is de Sneiheid in de Barg vun Middel- un Südeuropa. Dor kann de Oort as Ünnerwuchs in sünnige Kiefernwäller grote tausamenhängende Plackens utbillen.

Bemarkenswiert is de Bläutied vun de Sneiheid in de Wintermaande. De Bläutied reikt vun November bet April. Wichtig is ok de Upgaw as Immenweid`. In Middeleuropa is de Sneiheid wägen ehrer upfälligen, rosa bet vigelett farwten Bläuten as bodden-bedeckende Plant – Zierplant wiet verbreit`t. De anspruchslose Oort benödigt einen kalkrieken Ünnergrund. In`n Botanischen Gorden is sei in`t Alpineum tau finnen, in`t Rabeit südlich vun de Kalkalpen. Sei steiht all in verschiedenen Farwen in vuller Bläut.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.