Maandenplant

Wonnemaand 2011: Dat Bläuden-Hartriegelgewächs (Cornus florida)


Bi de Hartriegelgewächse (Cornaceae) hannelt sik dat meist üm sommergräune Strüker un selten üm Böm. In uns Parks un Gordenanlagen warden oft Hartriegel-Oorten ut Nordamerika kultiviert. Alle Verträder von dissen Verwandtschaftskreis (ok de inheimsche Kornelkirsch Cormus mas) hett meist ganzrandige Lofbläder mit charakteristische Parallelnervatur.

De in`t östliche Nordamerika heimische Oort Cornus florida is in uns Breiden ein Zierplant, de gaud tau lieden is. Bi disse Oort stahn de lütten unschienboren Enzeltbläuden in koppförmige Bläudenstänn`, de von witt bet rosa-violette Hochbläder ümgäben sünd. In`n Harfst können wi ein prächtiges Farbenschauspill beobachten. De Lofbläder warden rötlich-violett, de all von Wieden dütlich tau seihn sünd. In`n Botanischen Gorden steiht ein Exemplar von Cornus florida in de Neech von dat Reitdackhus (Reetdachhaus).

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.