Maandenplant

De Gattung Chamaecyparis umfött 5 Oorten, de in Ostasien un Nuurdamerika vörkamen. De tau de Machandelbömgewächse (Cupressaceae) tellenden ümmergräunen Böm orrer Strüker sünd dörch afflachte Twieg (Äst) un schuppenorrige Bläder kennteikent.

Von de Hinoki-Schienzypress, de in Japan un up Taiwan tau Hus is, giwt dat väle Gordenformen. De staatschen Böm können oewer 35 m hoch warden bi `nen Stammdörchmesser von bet tau 3 m. In Japan spält de Oort as Forstbom `ne bedüdende Rull. Ehre schuppenförmigen Bläder besitten up de Unnersiet `nen witten, y -förmigen Striepen. De einhüsigen Böm drägen so woll 1 cm dicke Tappen, de all in`t ierste Johr riep warden. All Deile von de Hinoki-Schienzypress sünd giftig!

Oft eins ward sei in Pött inplant, wurbi sei `nen verkrüppelten Wuss (Bonsai!) kriegt. In`n Botanischen Gorden steiht `ne grote Hinoki-Schienzypress näben den`n Alpinum-Bereich Nuurdliche Kalkalpen

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.