Maandenplant

De ut Mexiko stammende Wunnerblaum (Mirabilis jalapa) gehürt tau de Familie von de Wunnerblaumengewächse (Nyctaginaceae). De meist einjöhrig kultivierte Staud` kann bet tau 1 m hoch warden un is bi uns `ne beleiwte Gordenplant. Denn upfällig sünd ehre röhrig-trichterförmigen Bläuten. Ehre Farwen sünd nich blot an ein Plant, sönnern ok all innerhalw von ein Bläut so männigmal verschieden. De Bläuten gahn in de Abendstunnen up, wieldat sei von nachtaktive Schwärmer bestöwt warden.

De Wunnerblaum lett sick in jede gaude Gordenierd uptrecken. De Vermiehrung folgt dörch Deilung von de fleischigen Wöddeln orrer dörch Utsaat. Vörtreckte Planten können af Mitte Mai utplant warden. In`n Gordenhannel sünd verschiedene Tuchtformen von de Wunnerblaum tau köpen, de sick u. a. dörch ehre Buntblädrigkeit utteiknen. In`n Botanischen Gorden is sei in de verschiedenen Farwen, ok upgrund von ehr langen Bläutied, an mihrere Stellen antaudrapen. Tau`n Bispill links an`n Hauptweg gägenoewer von den Gewächshuskomplex un in de Rabatt` an`n in de Nawerschaft liggenden Diek.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.