Maandenplant

Harwstmaand 2014: De Rosen-Ibisch (Hibiscus syriacus)


De grote Familie vun de Malvengewächse (Malvaceae) is riek an Zier- un Nutzplanten. Wiethen bekannt sünd Stockrosen, Malven, Okra un Kakao. Grad de grotbläutigen Verträder vun de Stockrosen (Althaea) billen as de so nömten Stockmalven sihr dekorative Planten. De Ibisch (Hibiscus) bild`t mit mihr as 600 Oorten ein vun de gröttsten Gattungen innerhalw vun de Bläutenplanten. De so nömte Rosen-Ibisch orrer Rosen-Malv (H. syriacus) stammt ursprünglich ut China un Japan. Disse strukförmige un in Middeleuropa einzige winterharte Verträder ut de Gattung Hibiscus is bi uns in de Gordens sihr beleiwt. Typisch sünd de breit-glockigen vigeletten Bläuten, de meistendeils vun August bet September bläuden.

In väle Gordens ward de Rosen-Ibisch as Sommer- un Harwstsmuck schätzt. De sommergräune bet 3 m hoge Struk drägt rhombische, dreilappige Bläder, de bet tau 10 cm lang warden. In`n Gordenhannel is `ne grote Tahl vun Tüchtungen tau hemmen, de sick in ehrer Bläutenfarw ünnerscheiden. As Einzelbusch eignet sick de Rosen-Ibisch för warme, vull besünnte Standurte. In`n Botanischen Gorden stahn ein groter oller Struk näben dat Schilfruhrdackhus direkt an`n Weg un noch `ne Sammlung vun verschiedenorrige Tüchtungen an`n Hauptweg gägenoewer vun de Systematischen Afdeilung.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.