Maandenplant

Dei Gattung Miscanthus gehürt tau dei Säutgräser (Poaceae) un is mit öwer ein Dutzend Oorten in Afrika un Asien tau finnen. Dat hannelt sik üm Verwandte von dat Zuckerruhr. Dei meisten Oorten können bet tau 3 Meter hoch warden, besonners up feuchte Flächen, dei väl Nährstoffe hemm`. Wägen ehre Grött sünd Verträder von disse Gattung as Energieplanten wichtig worden.

Hierbi spält hauptsächlich dei Hybrid Miscanthus x giganteus eine grote Rull. Dat as Riesen-Chinaschilf bekannte Gras bringt grote Mengen an Biomasse, dei ok as Brennstoff nahmen ward. As Zierplant spält hauptsächlich Miscanthus sinensis (Chinaschilf) eine Rull. Von disse Oort gifft dat väle Formen för den Gorden. Dei ehr Bläder sünd dörch witte Längsstriche ziert. Dei hübschen Bläuden kamen bi uns in`n Harfst rut. As Ziergräser wirken Miscanthus-Oorten am besten an friee Standurte, so tau`n Bispill in`n Pankow-Rondell bi den´n Hauptweg von`n Botanischen Gorden.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.