Maandenplant

De Gattung Polygala is binah weltwiet verbreit`t un umfött twischen 300 un 600 Oorten. Väle Verträder in Middeleuropa sünd Krüter. In`n Gägensatz dortau wassen de Krüzblaumen-Oorten in warme Rebeite as Strüker orrer as Böm.

Ut Südafrika (Kapland) stammt P. myrtifolia. Dat hannelt sick üm einen Struk bzw. lütten Bom, so an 2 bet 4 m hoch. Wägen ehr bannig schönen, mihrstendeils pinkfarwten Bläuten ward disse Oort hüt up de ganze Welt tücht`t. De Bläuten hemmen einen Dörchmesser von 2 bet 3 cm un kamen in uns Rebeite von`t Frühjohr bet tau`n Sommer rut. Ehr Utseih`n  (as ein lütt Schipp) erinnert an de Boddervagelbläutler.

De Krüzblaum is oewer nich neger mit ehr verwand`t. An de weikhoorigen Twieg stahn ungedeilte, längliche Lowwbläder, de binah so as de Brutmyrte utseihn (dorher de Oortnam` "myrtifolia").

Bi de Myrten-Krüzblaum hannelt sick dat üm `ne "klassische" Kolthusplant. In`n Winter leiwt sei dat Licht un is ganz empfindlich gägen "natte Fäut". In`n Sommer kann de Oort buten hollen warden, wurbi sei oewer vör tau starker Sünn`schützt warden süllte. In`n Botanischen Gorden steiht sei an`t Tropengewächshus dicht bi`n Hauptweg.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.