Maandenplant

Lenzing 2013: De Hasselstruk (Corylus avellana)


De sommergräune Hasselstruk (Hasselbom, Hasselbusch, Hasselholt, Hasselnoetbusch, Noetbusch) gehürt in Middeleuropa tau de Strüker, von de de Bläuhknubbens (Bläuhstänn`) all vör dat Lowutdrieben in`n Februar orrer März tau seih`n sünd. As ok de verwandten Barken besitt hei Kattenpoten ut männig väle männliche Bläuten. De Wind drifft ehre Pollenkürner up de Narben von de weiblichen Bläuten. In`n Sommer riepen de von de Minschen all in olle Tieden sihr schätzten Hasselnoet ranne.

In`n Hannel bekümmt man meistendeils de Sort Lambertsnoet (Corylus maxima). Ehre Früchte (Noet) kamen vör allem ut dei Türkei. In ehre Samen ward väl Fett inlagert un dorut kann man Öl pressen. De, bet tau 6 m hoge Hasselnoetbusch kümmt in frieger Natur as Pioniergehölz in olle Blockschutthalden in`t Gebirge vör. In uns Gordens warden verschiedene Sorten plant as tau`n Bispill de Korkentrecker-Hassel, de sick dörch `nen besonneren Wuss utteikent un tämlich gaut utsüht in unsen Osterstruß.

Aus: Wikipedia, Lemmikkipuu, en.wikipedia.org/wiki/File:Corylus_avellana.jpg

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.