Maandenplant
Näbelmaand 2013: De Papaya (Carica papaya)
De ok Melonenbom benömte Papaya stammt ut de tropischen Regionen in de Niege Welt. Carica papaya is `ne tweihüsige Oort, de einen unvertwiegten un binah unverholzten Stamm bild`t. An sien` Spitz sitten langstälige, deip, as `ne Hand deilte Lowbläder. De gäl witten Bläuten warden dörch Schwärmer bestöwt. Bi uns sünd de länglich-melonenförmigen Früchte wägen ehr aromatischet, orange farwtet Fruchtfleesch beleiwt.
De bet tau 6 kg schwere Früchte hängen ünnerhalw von den`n Blattkopp. Dat meistendeils orange farwte Fruchtfleesch slött in `ne Mird` ein` Fruchthöhl in, in de bet tau 1000 swatte Samen sitten. Terkaugt man disse, denn markt man de scharp schmeckenden Allylsenföle, de an de Verwandtschaft mit Semp un Radieschen erinnern. Gliek rechts näben den Ingang von`t Tropenhus können de Besäukers einen 5 m hogen Melonenbom seihn.
Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.
