Maandenplant

Up Grunn` von de Grött un de besonnere Välfalt von disse Plantenfamilie stellen wi in ditten Maand den 1. Deil von de Meddagsblaumengewächse vör. Bi ehr hannelt sick dat üm utduernde Krüter un Strüker. Ein Charaktermarkmal von disse Familie sünd de gegenstännig anurtneten dickfleischigen (sukkulenten) Lowbläder. Ehre Zwitterbläuten wiesen `ne välgliedrige, meistendeils upfällig farwte Bläutenhüll` up. Ut de Bläuten enwickeln sick sihr komplex upbugte Kapselfrüchte, de väle Samen in sick hemmen.

As attraktive Gordenplanten können de Meddagsblaumen bi uns in`n Sommer buten uptreckt warden. De meisten von de ca. 2000 Oorten von de Aizoaceen kamen in de Wüsten un Halwwüsten von`t südliche Afrika (u. a. Karoo, Kalahari) vör. Sei sünd oewer ok in`n Middelmeerrum, up de Kanarischen Inseln un in Kalifornien verträden. Sei besiedeln dor meist feuchte (klamme) Küsten un Bargregionen orrer ok soltholligen Bodden un Stratenränner.

In`n Botanischen Gorden kann man de Bläutenvälfalt von`n poor Verträder von de Meddagsblaumengewächse in de grote Blaumenrabatt` baben von den iersten Diek bewunnern.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.