Maandenplant

De meist strukförmigen Zistrosen sünd Charakterplanten von dat Middelmeerrebeit. As ümmergräune Strüker von 0,5 – 2 m Hoh` sünd sei `ne Zièr` von de mediterranen Macchien un Garigues. De tau de Cistaceae (Zistrosengewächse) tellende Gattung Cistus besitt gegenstännig anuurtnete, ungedeilte Lowbläder. Upfallend sünd de relativ groten Bläuten (mit deilwies` mihr as 5 cm Dörchmesser), ehre Kronbläder wirken up uns terkniddert. As Bläutenfarwen kamen an`n meisten vigelett, rosa un witt vör. Upfallend is de grote Antahl von Stoffbläder: oft eis sünd mihr as 100 Stoffbläder pro Bläut` dor.

In uns Gordens kann man vör allem de nich so frostempfindliche Lorbeerblädrige Zistros` (Cistus laurifolius) kultivieren. Sei besitt grote witte Bläuten. Verschiedene Zistrosen liefern `n Harz (vör allem ut de Bläder stammend), dat bi de Herstellung von Rükels `ne Rull spält. In`n Botanischen Gorden steiht Cistus laurifolius in de Systematische Afdeilung vör den`n Urwelt-Mammutbom.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.