Maandenplant

Tauierst wier de Cananga odorata in de feuchten Rebeite von Südostasien tau Hus. De as Ylang-Ylang nömte Oort is ein bet tau 25 m hoger Bom. Hei gehürt tau de Rahmappelgewächse (Annonaceae). In de Tropen ward disse Oort välmals as Schmuckholt anplant. De upfälligen, groten Bläuten wiesen drei lütte Kelchbläder up. De binnen lingenden Bläutenhüllbläder sünd gräunlich-gäl bet gäl farwt un warden bet tau 10 cm lang. In de Mird von de Bläut stahn väle Stoff- un Fruchtbläder.

Von groter wirtschaftlicher Bedüdung is C. odorata (dat heit: gaut rükend) wägen de gaut rükenden Bläuten, ut de ein wiertvulles ätherischet Öl (Ylang-Ylang-Öl) makt ward. Ut dissen Grund ward de Bom in Plantagen plant. Besönners up Madagaskar, de Komoren un Sansibar besitt Ylang-Ylang `ne grote wirtschaftliche Bedüdung. Ylang-Ylang-Öl is ein Deil von välen Schönheitsplägmiddeln un Duftstoffen. (ü. a. Chanel No. 5)

Sei is `ne grote Plant, de wägen ehr fixinget Wassen ümmer wedder up den Stock sett warden möt. Sei steiht in`t Tropenhus twischen de beiden Sagopalmfarne.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.