Maandenplant

Mit oewer 200 Oorten billen de Kiefergewächse (Pinaceae) de gröttste Familie von de Nadelböm. Mit ein Utnahm, nämlich de sommergräunen Lä(r)chen (t. B. de Europäisch Lä(r)ch Larix decidua) hannelt sick dat üm ümmergräune Böm orrer selterner üm Strüker. Up de Nuurdhalwkugel sünd de mihr as 100 Oorten von de Gattung Pinus, de Kiefer, wiet verbreit`t. Väle Kienbom-Oorten sünd von groter wirtschaftlicher Bedüdung (ü. a. Buholt, Zellstoff). Oewer sei warden oft ok as Schmuckholt plant.

Tau dei in Middeleuropa siet langem beleiwten Parkböm tellt de Tranen-Kienbom. Dat taufödderste Verbreidungsrebeit von disse Oort reikt von`n westlichen Himalaya bet in de Barg von`t südwestliche China. As staatscher ümmergräuner Bom  P. wallichiana ward hei woll so an 50 m hoch. Upfällig sünd de tau föft an de Kortspross` anurdneten Nadelbläder, de `ne Läng` von bet tau 20 cm kriegen können. Bemarkenswiert sünd dornäben ok de groten  (oewer 30 cm lang), bagenförmigen Tappen, de dalhängen. Wieldat sei so schön utseihn, warden disse Tappen giern in de Blaumenbinderie brukt.

In`n Botanischen Gorden steiht ein groter Bom in de Kiefernsammlung westlich von dat Alpinum.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.