Maandenplant

De Korfbläutler (Asteraceae) bild`t mit binah 25000 Oorten ein von de gröttsten Familien von de Bedecktsamigen Planten.Tau ehr tellen ok de Flockenblaumen, de dortaumal ganz un gor in de Gattung Centaurea stellt würden, tau de mihr as 700 Oorten tellen.Up grund von niege Kenntnisse würden tahlrieke Oorten utgledert un in annere Gattungen oewerführt.

Dat gellt ok för de Sülwer-Flockenblaum, de von nu an tau de Gattung Psephellus tellt. Disse ümfött ungefiehr 70 Oorten, de vör allem in`n Südosten von Europa un Westasien tau finnen sünd. Meistendeils hannelt sick dat üm utduernde krutige Oorten, de sogor oewer 2 m hoch warden können. De Sülwer-Flockenblaum is `ne Staud`, de bet tau 80 cm hoch ward. Sei stammt ut de Barge von`n Kaukasus. De Sprosse drägen dull un ungliek inbucht`te Bläder un sünd an`ne Ünnersiet grag-filzig. Ehre hübschen, langstäligen Bläutenköpp sünd rosa un kamen in`n Braakmaand/Gewiddermaand rut.

An`n leiwsten wassen sei in`n vullen Sünnenschien (ü. a. Steingordens, Drögmuern. In`n Botanischen Gorden wasst sei in de Systematischen Afdeilung gliek in de Neechst von`n Staudengorden..

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.