Maandenplant

Bet binah in den Häben wassen de höchsten Böm up Ierden. Mit `ner Höcht von bet tau 115 m tellt de Küstenmammutbom tau de Giganten in`t Plantenriek. Ok de Dörchmesser von de Böm is beachtenswiert un liggt bi de Gröttsten bi 7 m. Dat hannelt sick bi S. sempervirens blot üm eine einzige Oort von de Gattung un disse tellt tau de Machandelgewächse (Cupressaceae). De mit den`n Riesenmammutbom (Sequoiadendron giganteum) verwandte Oort wasst mihrstendeils nah an de Küst in Rebeite von`n Westen von de USA. De gröttste Deil von`t Rebeit liggt oewer in`t nuurdliche Kalifornien un in`n wiedesten Süden von Oregon.

Bevörtogt warden flache Afhänge un Flussnedderungen, wurbie de Küstenmammutbom oft eis tausamen mit de Douglasie wasst. De Bläder von S.sempervirens sünd nadel- (an Lang- un Korttrieben) orrer schuppenorrig (blot an Langtrieben). In de Wintermaande kamen de männlichen un weiblichen Tappen rut. De Tappen bammeln, wenn sei riep sünd, runner un ut ehr gahn väle von`n Wind utstreute Samen hervör. De koopmännische Nutzung von dit wiertvulle Holt hett dortau führt, dat grote Deile von dat ursprüngliche Vörkamen kaputt makt worden sünd.

In`n Botanischen Gorden Rostock gifft dat twei in`t Johr 2017 plante 3 m un ca. 5 m hoge Küstenmammutböm in`n Auwald ünnen von den`n baben liggenden Diek.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.