Maandenplant

Dei tau dei Hahnenfautgewächse (Ranunculaceae) gehürende Trollblaum is `ne utduernde Staude mit handförmig gedeilte Lofbläder, dei in Mäkelborg-Vörpommern up murige orrer quellige Wischen wasst. Sei is schwack giftig un ward dorüm von dat Nutzveih meid. In de Maande Mai bet Juni sünd dei kugeligen, dottergälen Bläuden mit `n Dörchmäter bit tau 3 cm tau seihn. Dei Trollblaum hett enge Beziehungen tau bestimmte Fleigen, dei sei bestöben.

Dei Früchte sünd wenigsamende Balgfrüchte. Up Grund, dat dei Nattwischen-Standurte in Nurddütschland weniger worden sünd, is dei Trollblaum seltener worden un steiht ünner Naturschutz. Sei sülbst un ok anner Oorten von dei Gattung Trollius (z. B. T. chinensis) sünd bi uns as Zierplanten woll tau lieden. In`n Botanischen Gorden steiht sei bi dei Orchideen-Nattwisch an`n mittleren Diek un as Zierplant in dei sog. „Sandkuhl“.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.