Maandenplant

De Gatting Primula is de gröttste Gattung von de Primelgewächse (Primulaceae) un umfött mihr as 500 Oorten. Bi de mihrsten Oorten hannelt sick dat üm utduernde, krutige Planten, de mit ünnerierdische Sprossen (Rhizome) schwierige Tieden oewerduern. Ehre in`t Frühjohr rutkamenden Lowwbläder sünd in `ner grundstännigen Rosett anurdnet.

Bi väle Oorten warden lange, uprechte Bläutenstengel utbild`t, de bi de Kugel-Primel bet tau 3 cm  hoch warden. Disse in Asien (ü. a. Afghanistan, südwestlichet China) oft in de Barge wassende Oort drägt `nen kugeligen Bläutenstand. De Farw von ehr Kronbläder wesselt von rosa-purpur oewer blag bet witt (sprangwies). An ehren Grund sünd sei tau `ner bet 2 cm langen Kronröhr verwussen. De Bläuhtiet umfött de Maande März (Lenzmaand) un April (Ostermaand).                                                                                                                

Wägen disser Bläutenpracht ward de Kugel-Primel in einer von ehr välen Zuchtformen oft in Parks un Gordens anplant. An `nen hellen un natten Urt wasst sei giern. In`n Botanischen Gorden dröppt man sei bi dat Schilfruhrhus up de Beete links un rechts von`n Weg.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.