Maandenplant

De Verwandten von de Heidekrüter (Ericaceae) sünd in uns Rebeite dörch väle hübsche Planten verträden. Oft eis hannelt sick dat üm utlännische Ziergehölze, de unse Parks un Gordens verschönern, so as de Rhododendron. Dütlich weniger gifft dat bi uns Planten von de Gattung Kalmia (Lurbeerros). De wasst nämlich mit ca. ein Dutzend Oorten vör allem in de Barge von `n Osten Nuurdamerikas. Dat hannelt sick meistendeils üm immergräune Strüker, de meistens blot 1,5 m hoch warden.

In Middeleuropa dröppt man so af un an K. angustifolia. Bi disse Oort hannelt sick dat üm einen Struk, dor kamen siene purpurroden bet rosafarwten Bläuten in`ne Tiet von`n Juni (Braakmaand /Heumaand) bet Juli (Gewiddermaand) rut. De zwittrigen Bläuten können einen Dörchmesser von ca. 1 cm kriegen. Ut de glockenförmigen Bläuten gahn välsamige Kapselfrüchte hervör, de sick mit fief Klappen updaun. De Lurbeerros besitt meist gägenstännig orrer as`n Quirl anurdnete, immergräune Lowwbläder. De sünd sihr giftig!!! All Kalmia-Oorten leiwen Halwschatten un benödigen sure un moorige Ierd. Sei sünd ganz oewelnähmsch gägen lange Drögheit.

In`n Botanischen Gorden find`t man de Lurbeerros in de Afdeilungen "Immergräune Planten" un "Nuurdamerika" von´t Alpinum.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.