Maandenplant

De ümmergräune Kirschlorbeer is in Middeleuropa wägen siene schmuckschen, lüchtenden Lowwbläder `n wiet verbreitet Schmuckholt. Tau Hus is dei ü. a. mit de Kirschen un Plummen verwandte Oort in`n Süden von Europa. Deilwies treckt sick siene Utbreitung von`n Südosten Europas bet in den Iran. Dei Kirschlorbeer ward sogor bet tau 5–7 m hoch.

De ok as Lorbeerkirsch bekannte Oort is in Middeleuropa meistendeils winterhart. Oewer kahler Frost kann de bi uns wassende Oort düchtig schaden. De an dei Bläder von`n Lorbeer erinnernden, ledderorrigen Lowwbläder von den Kirschlorbeer warden so an 15 cm lang. De witten (in drubenorrigen Bläutenstänn` anurdneten) Bläuten sünd von April (Saatmaand) bet tau`n Enn` von`n Juni (Heumaand) dor. Ut ehr kümmt denn dat swatte Steinawt.

In`n Botanischen Gorden wasst de Kirschlorbeer ü. a. in de so nömte Sandkuhl. Von ehr Oort gifft dat tahlrieke Tüchtungen, de oft eis as Heckenplanten brukt warden. Vör allem gellt, dat de lüttblädrigen Formen dütlich bäder den Frost oewerstahn as de grotblädrigen.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.