Maandenplant

De Rhododendren, de man ok Alpenrosen nömt, sünd Strüker un Böm. Eenige Orten bliewen ümmergrön, un de anner Orten schmieten ehr Low af. De Bläder sünd „wechselständig“ un „ganzrandig“ un stahn mierstens an de Telgen-Enn. Mit ehre Bläudenpracht trecken de Rhododendren von April bet Anfang Juni väle Blicke in de Gorden un Parks up sik. De miersten vun de välen Hunnert Orten wassen in Südostasien, wogägen in Europa blots een poor Orten vörkamen.

Ehre nächst’ Verwandten sünd de Heidekrüter (Erica spp.), de in Mitteleuropa u. a. in uns Mur wassen. De Rhododendren mögen keen Kalk, man seggt ok se sünd „kalkfliehend“. Se mögen an leiwsten suren Boden. In’n Botanischen Gorden sünd rd. 50 Orten un 100 Sorten öwer fast dat gesamte Flach verdeelt, de miersten stahn in’n „Japangarten“ un in de „Nadelgehölzsammlung“.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.