Maandenplant

De Gattung Tulipa (Liliaceae) umfött` in etwa hunnert Oorten, de in`t besonnere in`n östlichen Middelmeerrum un in Zentralasien tau Hus sünd. Sei benödigen oewerwiegend nährstoffrieken un milden Bodden, de in`t Frühjohr feucht is un in`n wiederen Johresverloop in warme Lagen drög utföllt.

Wägen ehre prachtvulle Bläuten warden de Tulpen all vun`t 13. Johrhunnert an (tauierst in`n Iran) in Parks un Gordens uptrocken. Na Europa (vör all`n in de Nedderlande) gelangten de Tulpen oewer de Türkei (Tülbend – türkisch för Turban). In de Nedderlande (ierste Infuhr 1571) enwickelte sick `n regelrechten Spekulationswahn, bi den`n de Tulpenzipollen mit Gold upwagt würden. Hüt is dor de Sitz von de weltwiet bedüdenste Blaumenzipollenindustrie. Tau de an`n meisten kultivierten Sorten tellen "Monte Carlo" (gäl) un "Appeldoorn" (rötlich – `n bäten rod). Veriehrer (Fans) planten "reine” Oorten (ü. a. Tulipa agenensis, Tulipa persica), de in de Steingordens `nen schönen Blickfang billen.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.