Maandenplant

De Gattung Phyllanthus kümmt besonners in de Tropen vör un umfött 750–800 Oorten. Sei tellt tau de Familie von de Phyllanthaceae (früher Wulfsmelkgewächs, Euphorbiaceae). Besünners bemarkenswiert von de Gattung Phyllanthus sünd de bladdorrig verbreiderten Telgen. Ünner dessen de eigentlichen Lowwbläder lütt un unupföllig süng, sünd de leddrigen Sprossassen bladdorrig ümmer breider. Disse billen de sogenömten Phyllokladien, de de Photosynthese Arbeit von de Lowwbläder oewernähmen.

Bi de P. angustifolius hannelt sick dat üm `nen strukorrigen Verträder. De ut Jamaika stammende Oort besitt schwertorrige Phyllokladien. Disse sünd bet tau 20 cm lang un bet tau 2 cm breit. De Ränner von de Phyllokladien sünd inkarwt un in ehr sitten de Bläutenstänn`. De rosafarften Bläuten sünd eingeschlechtig un besitten `nen Dörchmesser von tämlich 1 cm. In de Uptucht brukt de Oort ganzjöhrig tropische Ümgägend.

In`n Botanischen Gorden steiht de Phyllanthus angustifolius in`t Tropenhus näben den`n groten männlichen Sagopalmfarn.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.